源記甜品專家 (已結業)

呢間著名的桑寄生蓮子蛋茶有百年歷史，終於有幸試到了。入去時已是黃昏時分，人流唔算多。同媽咪打對面坐收銀後面的卡位。因為是甜品專門店，所以地方企理乾淨。點了桑寄生蓮子蛋茶，蓮子夠冧，蛋味十足，鹹味適中，唔會搶桑寄生茶的甜味，恰到好處。其實我都是第一次食桑寄生茶，感覺唔錯，蓮子夠粉，好好味！另外，點了雞蛋糕一件和香滑芝麻糊一碗，不過我就不太喜歡了。蛋糕實了少少，又唔熱又唔凍，$8/件，不值。芝麻糊真係夠滑，但不夠香濃，有點失望。下次再來時會再叫多次桑寄生，及試下其他甜品，例如，燉蛋，蓮子合桃露。