讚記廚房 (已結業)

今日黎到西環接人收工，見到面既時候已經8點幾了。又攰又眼訓既情況下，我地求其入左間餐廳醫飽個肚就算。係門口，見到呢度啲座位都將得意，企企理理咁。入到去有人招呼我地入入面卡位坐低，雖然冇乜禮貌，但茶餐廳，你想要求啲咩服務呢？坐底之後，我地叫左個2人精選餐，可以揀生蠔或者乳鴿，再跟2款小菜，白飯例湯。我地最後揀左要紅燒BB鴿， 欖菜炒四季豆，同川椒炒雞球。首先上既係例湯，當然飲慣屋企自家靚湯既我，覺得呢個湯冇乜特別驚喜，普普通通。接住黎就係紅燒BB鴿，呢個乳鴿…果真係名符其實既BB鴿。雖然佢細，但味道加返晒分，好香口，好好味。之後到，欖菜肉鬆四季豆，個樣好似都幾okay，食落有點冧，味道okay，如果四季豆可以爽脆啲就會更好。最後到川椒炒雞球，喜歡濃味既朋友，呢個味道十分好，非常惹味！但記得餸飯！最後仲加多左杯野飲，加左12蚊。埋單一百六十蚊 ，雖然冇服務可言，菜式又唔係特別出色，但勝在份量都幾夠。呢個價錢3餸1湯，係香港已經好少有了。