船長意法日餐廳 (已結業)

今日細佬放假， 他約我去船長食午餐。 對上果次食原來已經係上年既事， 今次睇下有冇新嘢食先。原來裏面嘅格局已經唔同曬， 多咗好多長型嘅卡位枱。 一張枱都可以坐到八個人，如果人多都幾好， 夠曬寬敞。乾炒牛河炒得夠曬鑊氣， 牛肉都頗多， 河粉夠淋身又大碟， 兩個人食都冇問題。吉列豬扒配沙律， 豬扒夠曬大塊， 比我手還要大， 香脆粉薄即叫即炸， 豬扒軟熟還帶點juicy， 味道非常好，再配點沙律當堂冇咁寡。原來晚市係做任食火煱放題， 種類繁多，蔬菜，丸，瓜， 麵應有盡有。餐牌選擇多， 價錢相當便宜仲要冇加一服務費。如果人多額外仲有折扣優惠，係生日月份黎都會有生日月份大優惠， 兩小時任你食任你飲。