Green Truck (已搬遷) 新店位置

隨著JCCAC的出現，周邊的型格小店也開始多起來。八月頭經開附近，發現有間新開小店試業，要一試再試，三試先決定要寫食評。深綠色車仔，文青FEEL，小清新，好岩我呢個「偽文青」。由茶底，水果，調味都可以自選，連加冰與否也可自行決定。原理同車仔面劃單一樣做法。第一次試玫瑰花茶+西瓜汁(唔加冰)，玫瑰花茶味唔算突出，但感覺清新，飲完唔會口乾，證明無添加。第二次試薏米水+雪梨，係我揀既，所以味道大淡無仇報。第三之試六青汁，十分驚喜GREEN TRUCK竟然會有昂貴食材SUPER FOOD「羽衣甘藍」，超級市場都唔係成日有得賣，仲好貴。呢間野，究竟賺唔賺到錢架？不計成本咁做.... 由落單到拎到飲品，多人時，超過十多分鐘。唔多人時，五分鐘內。好彩有張學校櫈坐住等。都見到會支持本地農場，又會支持環保，愛護環境由身邊小事做起。加油呀！P.S. 太耐無寫食評，點解D相轉唔返正？！