百花漁莊 (已結業)

臨別依依，梗係多人約我食飯，今日灣仔朋友就約咗我嚟呢間位於QRE嘅百花漁莊。原來呢度係任食放題，仲要食物充滿特色，火鍋、點心、特式小菜、粥底火鍋集結於一身。未人齊就先叫幾款小菜食住等，冰糖醬香鴨鹹鹹甜甜好惹味。皮蛋肉鬆豆腐作為前菜真係一流。老上海燻魚夠晒香口。呢度出名粥底火鍋，當然以呢個做膽，之後其他選擇都好正，最後我哋就揀咗金腿蟲草花花膠雞鍋，果然冇揀錯。開爐後店員先嚟一份海鮮拼盤，帶子鮑魚樣樣齊，真係超抵食。火鍋嘅肥牛同豚肉質素都唔錯。其他火鍋配料都好新鮮，又夠多選擇。蔬菜拼盤顏色鮮艷，全因蔬菜夠新鮮翠綠。最後仲有粥膽同味菜，打完邊爐用充滿食物精華粥底熬個靚粥，真係完美嘅一餐！