帝京餅店 (已結業)

同阿媽係新世紀食飯補充生日，係帝京餅店見到呢個蛋糕，見個賣相好特別，就買黎試下。蛋糕外型係一碗窩蛋牛肉飯，遠睇真係幾似煲仔飯。個砂煲係真既，食完真係有個煲用返，阿媽都話抵呀！哈哈！至於牛肉係朱古力慕絲，條菜就係朱古力，而D飯就係卜卜米白朱古力，個底就係朱古力蛋糕。最有趣既就係隻蛋，切落去竟然係有蛋漿流出黎，而D蛋漿就係芒果汁。成個蛋糕都好好味，唔會好甜好膩，睇得又食得，仲可以用黎影相。如果想試下D另類既蛋糕，都非常值得一試。而且仲有其他款式既蛋糕，好似拉麵蛋糕等，幾得意架！