euro go go

營業中

休息中

因為係沙田工作的關係，有時三餐都係沙田解決真係在所難免，不過偶然去一次Euro go go食飯我覺得已經好開心好滿足，因為我好鐘意呢度的野食=v= 雖然呢間只係連鎖的食西餐野的地方，但係食物的出品真係唔差架！今次我分別要左三色焗薯皮、香蕉朱古力慕士，野飲係凍朱古力首先講下三色焗薯皮先啦！佢係有三隻味的焗薯皮，我最鐘意係焗芝士果一款，芝士份量好多，好足料好好食！另外煙肉果款都好香！好食！而香蕉朱古力慕士亦都超級好食，雖然慕士都算係好多cream的甜品，但係呢個creamy得黎又唔會好似一pat野咁，食落仲要好有層次，不過食落都幾飽肚架哈哈去到野飲方面，雖然凍朱古力聽落好像只係普通野，但係呢杯真係好好飲呀（我係朱古力癡...）杯野飲加左cream，不過飲落唔算好漏，甜甜地味道適中！雖然我冇要到特濃朱古力，但係朱古力都好strong！推介！！唯一一樣要彈的係... 呢間餐廳真係好唔環保呀！餐具全部都係用完即棄的膠叉膠碟，搞到我每次食完個心都唔係好舒服 希望可以盡快解決呢個問題啦