鑽石冰室

營業中

休息中

下晝三點半前往彩虹邨🌈朝拜打卡，路過一間舊冰室：「鑽石冰室」，之前從未聽過呢個名，但嚮往舊式餐室的我，二話不說就推門入去食個下午茶☕️。睇完個餐牌，並沒有任何特色嘅招牌食物。喺舊式餐室點餐，菠蘿油同熱茶走不能避免要試試。我一句：阿姐，唔該下午茶餐，菠蘿油丶熱茶走少甜，換來一句失望回覆：菠蘿包賣晒⋯⋯無辨法啦，只好聽阿姐介紹：沙爹牛肉包。幾分鐘後，食物上枱，熱辣辣麵包🥯夾住味道濃郁嘅沙爹牛，下姐冇介紹錯👍👍👍，試埋杯熱茶走，一般般咁，茶味唔多夠，不過好在叫做滾熱辣。埋單$22 ，係呢個市道來講都算係平。