海南雞專門店

營業中

休息中

好耐無黎太安樓啦😌😌😌呢到收收埋埋左多間好味餐廳🤤🤤夜晚開晒就更熱鬧既。今朝適逢柴灣做完野，專登中午就黎呢邊開餐🤪呢間主打海南雞飯既小店，經過大量既電視呀blogger呀宣傳後😂係西灣河真係無人不識！😌星期六11點幾黎到，遠遠已經見到條人龍仔，心諗真係有咁好食！？🤔🤔由於我地想坐低食，所以要係舖頭既對面開張枱，你無睇錯😂😂佢地用埋對面舖做堂食！叫左碟海南雞飯$35跟湯！😂😂😂睇個樣好似頹頹地🤣黃油飯好多，搞到啲雞好似好少🙈有啲擔心唔夠餸飯，不過好彩黃油飯本身已經咸咸香香，而且粒粒分明食落一啲都唔油👍🏻軟硬度剛好！而雞肉又嫩又滑幾鮮味，脂肪比例少，的確係唔錯既😌😌唔洗汁醬都好夠味🤗