影片
更多
2010-04-01
121 瀏覽
提早慶祝媽媽生日, 琴晚一收工就同男友仔殺去『泰豊廔』大家都未食過, 一於試新野...lol因為聞說常爆, 所以早 2 日就已經 book 定 4 位~我地大約 6 點半去到, 呢個時間仲早, 唔算多人, 坐左 5-6 枱客!一坐低就先諗食咩好 討論左好耐, 到底打邊爐好, 定係叫小菜呢!?最後一致決定....叫小菜!!meun 既選擇唔算多, 不過有特色京菜~爸爸 + 媽媽 + 我 + 男友仔, 唔大食既 4 丁友....揀左: 叉子燒餅 $35 叉子燒餅 (配菜) $28 京燒羊肉 $60 鍋塌豆腐 $60 北京烤鴨 (半隻) $180 高力豆沙 $40碟頭唔細呀, 碟碟都有返咁上下睇頭!! 叉子燒餅 + (配菜), 燒餅好香好脆~讚! 至於配菜, 竟然要另外叫, 有少少失望 (點解唔係包埋既!?), 而且味道略微淡左 D...扣少少分! 京燒羊肉, 正呀, 外邊微脆, 又香又有咬口, 仲有羊味添~讚! 鍋塌豆腐, 好食喎, 個汁同個豆腐好夾, 食落好清新~讚! 北京烤鴨 (半隻), 哇! 好大片!! 如果切得細少少會好 D, 太大片好快就唔想再食, 但係個皮好脆, 又香
大家都未食過, 一於試新野...lol
因為聞說常爆, 所以早 2 日就已經 book 定 4 位~
我地大約 6 點半去到, 呢個時間仲早, 唔算多人, 坐左 5-6 枱客!
一坐低就先諗食咩好
討論左好耐, 到底打邊爐好, 定係叫小菜呢!?
最後一致決定....叫小菜!!
meun 既選擇唔算多, 不過有特色京菜~
爸爸 + 媽媽 + 我 + 男友仔, 唔大食既 4 丁友....
揀左:
叉子燒餅 $35
叉子燒餅 (配菜) $28
京燒羊肉 $60
鍋塌豆腐 $60
北京烤鴨 (半隻) $180
高力豆沙 $40
碟頭唔細呀, 碟碟都有返咁上下睇頭!!
叉子燒餅 + (配菜), 燒餅好香好脆~讚!
至於配菜, 竟然要另外叫, 有少少失望 (點解唔係包埋既!?), 而且味道略微淡左 D...扣少少分!
京燒羊肉, 正呀, 外邊微脆, 又香又有咬口, 仲有羊味添~讚!
鍋塌豆腐, 好食喎, 個汁同個豆腐好夾, 食落好清新~讚!
北京烤鴨 (半隻), 哇! 好大片!! 如果切得細少少會好 D, 太大片好快就唔想再食, 但係個皮好脆, 又香又熱又好食, 不過略略油左 D~
高力豆沙, 呢個唔推介, 面頭無糖失色, 而且唔夠鬆化, 蛋白感覺發唔起, 似食包多 D, 皮亦有少少過厚!
最後埋單 $519, 成張單就係得個廚部 total / 茶介 total / 酸菜 total....
建議應該要 list 每個餸...等人睇得清楚 D~~
張貼
