發祥茶餐廳

營業中

休息中

原來公司附近有呢間餐廳！唔係同事講開我都唔知！今日行去上下！地方係村屋地下！只有十幾個位！一眼睇晒！普通茶餐廳格局！乾淨企理！唔特別但看到有心機打理！特別收銀婆婆店員好nice!個個食客都認識，好像朋友咁傾偈！小店人情味特濃！比人感覺舒服！餐牌早餐食物選擇唔多！我揀腿蛋米粉，米粉好快到！火腿兩塊，煎蛋一隻，煎得唔會脆邊，蛋白都係剛好熟，所以好滑！蛋黃少許熟，我撈落湯食！味道正常！湯底夠味夠熱！唔會好咸！驚喜仲有一小堆芽菜，好少見早餐湯麵芽菜做配菜！我好鍾意食芽菜！good!之後上有牛油方包！我留一塊火腿夾方包都好好味！麵包夠軟！夾火腿好味！熱檸水正常！希望呢啲小店可以保持佢嘅味道！