正宗上海生煎皇后麵館 (已結業)

去得福榮街，好多人只係識維記！不過最近行過嗰頭，發現附近新開左家上海小店，個裝修同條街有d格格不入的感覺。個名好熟，原來係之前上海生煎王的老闆Oscar的同一系列小店，聽落可能你唔識。不過老闆的未婚妻江若琳，相信大家都識。由未婚妻來主理，真係夫妻檔進軍飲食業。入面大大張poster 唔知以為江若琳做代言人，原來係老闆先啱。好多打藝人旗號的食店，好多時都係只靠名氣，給人一種可能名過於實的感覺。但有著上海生煎王子的領軍下，生煎皇后都幾有水準！所以推薦比大家。招牌香橙豬軟骨湯麵豬軟骨好香橙味，炆得淋身，入味。而且仲食到用咗話梅去炆，難怪食落有甜味。豬軟骨附上燈絲，好出色！上海麵煙韌可口，湯底味清！水準之作，難怪成為招牌的食品。午餐可以加多一款優惠價小食！咁多款真係花多眼亂。麻辣蟲草花蟲草花都係一樣好有益健康嘅食材，出面都比較少見，所以一見到餐牌有，就即刻叫咗一個小食試吓。而且當加入爽脆嘅青瓜以及金菇之後，就成為左一道好惹味嘅涼拌菜式。麻辣味不搶鏡，亦都唔會有一種立都一定要飲水嘅衝動。都睇好呢間小店，食物好有心機。而且都坐得舒服，裝修也會令人會心微笑，真心推薦！好想試埋手撕雞拌麵同土豆絲！唔知