影片
更多
2022-07-07
697 瀏覽
金記冰室終於開到銅鑼灣啦，仲要喺皇室堡2樓勁方便！門面同室內都好光猛整潔，職員都好快手同有禮貌，第一個印象唔錯！室內環境都幾寬敞，入到門口分咗兩邊空間，落單係用手機自助落單，介面清楚易明，操作簡單，而且上菜都幾快。呢度嘅套餐可以自選中式老火湯或者西湯，而月老火湯每日都唔同，今日星期三就有雞腳雪耳南瓜湯。《 無骨海南雞（套餐）油飯 $80 》（配中/西湯 及 餐茶） 餐湯揀咗老火湯，香濃冇溝水，用雪耳同雞腳煲入口好滑，有飲骨膠原嘅感覺。海南雞賣相唔係特別吸引，但係入口有驚喜，雞有調過幾入味，同埋都算滑；油飯都香，而且夠爽唔會油膩；加$10 配特飲 《 薄荷雜果冰 》 朋友話唔似藥水味都幾好飲，而且高薪大杯，感覺幾抵。《 鐵板西冷牛扒 $ 108 配 意粉 燒汁 》（配中/西湯 及 餐茶） （選擇西湯、自選五成熟 及 醬汁另上）然後西冷牛扒用鐵板上夠晒新鮮熱辣，見到都已經好吸引～ 切開雖然已經係八、九成熟，但係肉質鬆軟而且肉味夠濃，加埋燒汁夠提味，整體令人滿意。西湯係羅宋湯，味道好香濃，微微地辣幾開胃。開頭以為係普通茶餐廳冇調味嘅意粉，點知係一大碟蕃茄味意粉，又幾好味喎。半碟有西蘭花、
金記冰室終於開到銅鑼灣啦，仲要喺皇室堡2樓勁方便！門面同室內都好光猛整潔，職員都好快手同有禮貌，第一個印象唔錯！
室內環境都幾寬敞，入到門口分咗兩邊空間，落單係用手機自助落單，介面清楚易明，操作簡單，而且上菜都幾快。呢度嘅套餐可以自選中式老火湯或者西湯，而月老火湯每日都唔同，今日星期三就有雞腳雪耳南瓜湯。
《 無骨海南雞（套餐）油飯 $80 》（配中/西湯 及 餐茶）
餐湯揀咗老火湯，香濃冇溝水，用雪耳同雞腳煲入口好滑，有飲骨膠原嘅感覺。
海南雞賣相唔係特別吸引，但係入口有驚喜，雞有調過幾入味，同埋都算滑；油飯都香，而且夠爽唔會油膩；
加$10 配特飲 《 薄荷雜果冰 》
朋友話唔似藥水味都幾好飲，而且高薪大杯，感覺幾抵。
《 鐵板西冷牛扒 $ 108 配 意粉 燒汁 》（配中/西湯 及 餐茶）
（選擇西湯、自選五成熟 及 醬汁另上）
然後西冷牛扒用鐵板上夠晒新鮮熱辣，見到都已經好吸引～ 切開雖然已經係八、九成熟，但係肉質鬆軟而且肉味夠濃，加埋燒汁夠提味，整體令人滿意。
西湯係羅宋湯，味道好香濃，微微地辣幾開胃。
開頭以為係普通茶餐廳冇調味嘅意粉，點知係一大碟蕃茄味意粉，又幾好味喎。
半碟有西蘭花、車厘茄同埋粟米，成個牛扒餐夠份量好豐富！
餐飲配香滑奶茶 （自選多奶轉煉奶少甜）
奶茶杯好有特色，熱奶茶幾香滑有驚喜。
身為冰室當然有晚餐，我就叫咗一個《 豉汁蒸倉魚晚餐 $98 》即叫即蒸所以需時等待。
倉魚好大條，其實夠2個人食，自選多汁所以特別多豉汁俾我撈飯～話咁快就食晒成碗飯！職員仲好細心拎咗個大骨碟俾我。
飲品我就加$3要咗～《 凍檸檬咖啡（少甜）》
估唔到係冰室都有得飲Cafe嘅飲品，而且我仲見到餐牌上面有爸爸媽媽後生年代嘅飲品，例如蛋白杏仁茶、滾水雞蛋、牛肉水、荷蘭谷古 等等，下次再嚟試吓先！
*注意： 因為冰室喺商場入邊，所以9:00就會last order ，9:30就閂門㗎啦！*
張貼
