影片
更多
2017-11-19
343 瀏覽
近年香港多咗好多餃子店，款式新穎、多種選擇之餘，價錢又合理。簡簡單單食一餐，又平又好味。一路掃街掃到旺角廣華街附近，係某出名滷水、生腸小食店隔離嘅幾個鋪位，留意到呢間裝修光鮮、新潮嘅餃子店。定價同一般餃子店相若，旺角區來講，呢個價錢都算抵食。餐牌上款式什多，不同口味嘅餃子，亦都可以揀蒸餃或煎餃，什至有不同湯底同麵底選擇。貪心嘅我地，決定試晒佢大部分口味。先叫五款自選餃子($33/5隻)，清湯奉上。再叫招牌芝味樂園($55/8隻, 冰花煎餃+$4)，貪佢有齊咁多所有芝士餡餃子。食餃子當然係配豆漿，大杯裝盛惠$12，兩個人分享剛剛好。自選餃子揀左韭菜豬肉餃、白菜豬肉餃、日本紫菜豬肉餃、芹菜豬肉餃，仲有香菇粟米雞肉餃。基本款式盡有，總有一款啱大家口味。餃子味道唔錯，皮薄多汁，用料豐富。值得一提係店舖提供嘅菜甫，帶點麻辣更加惹味。重點推介係不同芝士餡嘅餃子，有蕃茄芝士、三重芝士、辛辣芝士同黑松露芝士。冰花煎餃呢個選擇亦實在無揀錯，麵粉漿夠脆薄，令煎餃子香脆可口，更有口感。四款芝士餃各有特色，尤其係黑松露芝士餃，一咬落去係意想不到嘅黑松露香味，同流心芝士係絕配。另外蕃茄芝士亦屬至愛，蕃茄味清香配
一路掃街掃到旺角廣華街附近，係某出名滷水、生腸小食店隔離嘅幾個鋪位，留意到呢間裝修光鮮、新潮嘅餃子店。定價同一般餃子店相若，旺角區來講，呢個價錢都算抵食。
餐牌上款式什多，不同口味嘅餃子，亦都可以揀蒸餃或煎餃，什至有不同湯底同麵底選擇。
貪心嘅我地，決定試晒佢大部分口味。先叫五款自選餃子($33/5隻)，清湯奉上。再叫招牌芝味樂園($55/8隻, 冰花煎餃+$4)，貪佢有齊咁多所有芝士餡餃子。
食餃子當然係配豆漿，大杯裝盛惠$12，兩個人分享剛剛好。
自選餃子揀左韭菜豬肉餃、白菜豬肉餃、日本紫菜豬肉餃、芹菜豬肉餃，仲有香菇粟米雞肉餃。基本款式盡有，總有一款啱大家口味。餃子味道唔錯，皮薄多汁，用料豐富。值得一提係店舖提供嘅菜甫，帶點麻辣更加惹味。
重點推介係不同芝士餡嘅餃子，有蕃茄芝士、三重芝士、辛辣芝士同黑松露芝士。冰花煎餃呢個選擇亦實在無揀錯，麵粉漿夠脆薄，令煎餃子香脆可口，更有口感。
芝味樂園
33 瀏覽
0 讚好
0 留言
四款芝士餃各有特色，尤其係黑松露芝士餃，一咬落去係意想不到嘅黑松露香味，同流心芝士係絕配。
另外蕃茄芝士亦屬至愛，蕃茄味清香配上濃郁芝士，惹味非常。
辛辣芝士帶韓式泡菜醬味道。三重芝士充滿湯汁，一咬直頭係爆出黎，味道無其他款式咁濃味，但連湯汁都帶豐富芝士味。
試左好多款餃子，芝士口味款款都令人回味，呢度暫時係我最為滿意嘅一間創新餃子店。店舖少少，但款式眾多，仲有其他粉麵、小食都賣相吸引，價錢又合理，值得推介。
張貼
