LIFETASTIC (已結業)

約咗港島區嘅朋友仔Happy Hour 佢竟然提議食蛋糕而唔係飲野 真心好奇有咩吸引到佢可以放棄酒精 跟住佢去到香港大學站上地面行三十秒就到達 眼見凍櫃擺滿一件又一件嘅草莓西瓜蛋糕 連我都即時著魔 但考慮西瓜唔係當造水果 一直七上八落 內心極度掙扎店員就介紹餐廳原來全年採用馬來西亞西瓜所以唔會受季節影響 確保全年都鮮甜 於是我同朋友仔就叫咗蛋糕套餐 總共四件 以及任選兩杯飲品最多可選擇兩件皇牌草莓西瓜蛋糕 啱啱好我地可以一人一件 另外兩件分別揀咗荔枝玫瑰蛋糕同埋香蕉朱古力先試皇牌蛋糕 草莓西瓜蛋糕面層係密麻麻嘅草莓 開心果 片片玫瑰花瓣 草莓入口自韓國 所以鮮甜而且呈鮮紅色 到夏天時就會轉用美國士多啤梨 按季印調整貨源 維持蛋糕嘅水準 西瓜果然出色 多汁又爽甜 全部都無核配合杏仁碎層及玫瑰忌廉層 一軟一爽 口感好有層次 蛋糕除咗果香更帶有杏仁獨有嘅香氣最特別係以打碎嘅杏仁代替麵粉 所以蛋糕係gluten free 咁就連敏感人士都有機會食到 我覺得成個概念都好貼心 香蕉朱古力蛋糕 表面同一般黑森林無異 頭段都係濃厚朱古力味帶淡淡香蕉味 一層蛋糕重叠一層可可慕絲 當下的確有失望 不過發現