One More Hotpot 來一鍋 (已結業)

和同事星期五黎個火鍋聚一聚，訂好位，用app訂仲有85折，地點好易搵就喺Times Square 附近，上到去先知之前都食過一次，不過印象都係好味。呢個邊爐有藥膳套餐同海鮮套餐兩種，我地兩個人可以揀一個鍋，花膠螺頭雞鍋，一上枱已經有好香嘅藥膳味，個鍋仲好特別添，店員見到我地有啲驚訝，就同我地介紹呢個係杉木鍋，入面有半隻雞，幾塊厚花膠，同紅棗，人參，杞子等嘅藥材，仲有啲龍眼肉。個手切安格斯肥牛片，好正。雪花分佈好好，食落好嫩滑 高汁！兩個人食都夠。