NeNe Chicken (大埔超級城) (已結業)

今日心血來潮想食炸雞，就去咗Nene Chicken。上次食Nene Chicken淨係試咗炸雞，我地今次見有套餐，可以試下炸雞以外嘅嘢。個餐都幾多野食仲包兩杯飲品，三個人share都夠。第一，我地揀咗半份避風塘口味炸雞其實佢嘅避風塘就即係garlic and honey，甜甜地得黎帶好香嘅蒜蓉味。炸雞外皮炸得好脆，但入面嘅肉非常嫩滑juicy，而且係用無骨雞件，啖啖肉，好好食‼️半份都有7件雞架❤️第二，我哋揀咗熔岩芝士皇室豬肋骨x炸魷魚如果套餐揀呢個拼盤嘅話要另外加$15。薯條同炸魷魚配熱辣辣嘅芝士真係無得輸👅炸魷魚一啲都唔靭，係個豬肋骨比較遜色，烤得有啲過咗火，肉質唔夠嫩滑，有啲老同鞋。提提大家，食到最後記得食埋個麵包呀，個麵包焗得好脆口，點埋芝士食一流。第三，我哋揀咗蒟蒻冷麵。同韓式冷麵一樣都係酸汁湯底，好開胃。冷麵好彈牙，推薦‼️嗰餐仲包左兩杯飲品，一杯青蘋果梳打，一杯士多啤梨沙冰。兩杯飲品嘅水果味都好明顯係用味精開成，味道有點失真。