D&A House

營業中

休息中

朋友推介呢度的豬手， 無人帶路真係唔識黎， 呢間餐廳外表好似普通工廈地下既飯堂， 入到去好似另一個世界， 店內以磚牆及高低枱打造成德國傳統酒吧的格局， 中午時份當然滿坐， 很有氣氛。人太多不好意思拍照，朋友提醒要吃豬手便要早點叫， 賣晒就無。 睇睇menu $67 有德國豬手食仲包飲品又真係幾抵， 仲可以叫熱朱添。 傾傾吓計豬手便到， 份量非常大！絕對無因為係午市而俾細份啲。 一刀切落去， 已能感受到其皮脆肉嫩的質感！ 調味亦恰到好處，夠味又唔會太咸， 非常值得推介。 最後我食晒豬手而幾乎無掂過意粉， 因為實在太飽啦！下次揀薯菜先得。