祥興記上海生煎包 (已結業)

每次經過，見到外面條人龍都怕怕， 難得唔洗排隊先會食。 呢度嘅生煎包，個底煎到卜卜脆， 但絕對唔會燶， 仍然記得第一次食既時候奶曬野， 一啖咬落去， 裏面既熱湯淥親條脷， 啲湯汁爆到成枱都係， 好尷尬。 經一事，長一智， 學識係個頂部咬一個好細既窿， 再將啲醋倒入去， 咁就唔會浪費左d湯汁。 但以我食上海菜既經驗， 應該要跟薑絲， 咁就可以將生煎包嘅美味提升到另一個層次!! 最後，都係果句， 第一次食既朋友，小心淥親條脷!!