小正大福 (已搬遷) 新店位置

咁啱行過尖沙咀K11 ，見到櫃檯入面放滿圓潤可愛的大福，買咗一個芒果焙茶脆脆口味，一咬下去，相當之驚喜，軟糯得嚟又煙靭的外皮，包住滿滿的餡料，新鮮芒果嘅香甜，加上焙茶忌廉濃郁的茶香，以及朱古力脆脆，多重的口感，令呢個大福列入我的comfort food之一，感受得出店主花咗心思設計內餡嘅配搭，最重要嘅係，呢個甜度少甜，食完唔會膩。店舖會定期替換不同口味，下次會想試吓其他味道，覺得黑白芝麻同埋開心果味都好吸引。