喜滿樓菜館

營業中

休息中

約幾個老友出來食飯，佢住土瓜灣區所以就去番呢一區食晚飯，有朋友話之前食過喜滿樓，覺得唔錯值得再去食。餐廳環境簡單夠晒街坊風格，食物選擇多價錢大眾化。牆上有塊大白板寫了些大廚推介和新推出時令菜式，所以就㸃幾味推介菜：風沙雞和芝麻雞各半隻、啫啫芥蘭煲、避風塘桶蠔、椒鹽吊片等。全部菜式有新意，味道一流，夠鑊氣夠風味。招牌菜首選是芝麻雞，芝麻雞勝在芝麻夠脆夠香，風沙雞勝在夠蒜香，這𥚃用的上等雞種，皮薄肉質鮮嫩有雞味，有層次口感，老友們個個食得高興，𣈱飲高談闊論，真是對酒當歌，人生幾何。