亞參雞飯 (利舞臺廣場)

營業中

休息中

星期日同媽媽一齊去利舞臺食「亞參雞飯」。我地叫左海南雞飯，同兩個星馬小食(咖央多士同豬肉串)。我地兩個嘅海南雞飯都有加十蚊轉雞脾。嘩，啲海南雞係皮薄肉滑同有雞味，再點一點醬油令到啲雞更加惹味。至於啲油飯，唔似新加坡果啲顏色淺淡而係深色啲，食落有口感唔會好乾好黏，相當惹味！咖央多士似係岩岩烘完即刻搽上咖央醬同夾舊牛油就即刻送到我面前。雖然我仲食緊海南雞飯，但見個多士咁新鮮，都係食一舊先再食個飯。由於果舊牛油太邪惡，所以我拎起左佢唔食。咬一啖多士，個多士唔止脆而且仲有椰香同斑蘭香！完全滿足到勁想去東南亞食咖央多嘅慾望。至於豬肉串就一般啦(食左一條先記得影😅)。餐廳環境乾淨整潔，而且侍應設有執枱專員，令食客感覺良好。呢間餐廳值得一試。