文樂園 (已結業)

星期日想飲茶，但係好多酒樓疫情下都唔開，朋友提議買點心外賣返屋企食，於是我哋去咗何文田嘅呢間文樂園。一去到就見到人頭湧湧、人山人海，想食嘅真係要預留充足時間嚟排隊。我哋排隊落order等咗一個鐘，然後等攞嘢食又等咗一個鐘。而且唔知係咪我哋嚟得晏，好多嘢都已經賣晒。講返點心，普遍都做得出色。蝦餃真係做到皮薄喊靚，食得出蝦餃皮係比出面平時酒樓嗰啲薄。排骨好大碟，而且蒜香味非常重，芋頭整得好淋，排骨同芋頭好入味。鮮竹卷同埋奶皇包就冇咩特別，都係水準之上。👍 文樂蝦餃👍 蠔皇鮮竹卷👍 蒜香蒸排骨👍 香滑奶皇包📍文樂園 何文田窩打老道69號地下A號舖