餃掂手工餃子雲吞專門店

呢間舖頭都經過幾次，今日第一次去試吓佢啲餃子。龍凰松茸雙灼餃(跟湯) $92: 口黑色係黑松露，白色係白松露，個人覺得叫兩款可以試得多啲嘢。自己覺得黑松露嘅話會薔薇啲，感覺會濃味少少自己鍾意黑松露多啲。香煎軟心芝士餃七隻($58): 自己覺得好彩嗌咗煎嘅芝士餃，煎完之後入邊嘅芝士溶溶地加埋脆脆地嘅外皮真係幾正。而且真係皮好薄餡亦都好多！如果覺得食芝士太膩嘅話可以任裝佢隔離附送嘅醃蘿蔔，自己都食咗幾碟！ 麥盞雞翼($25):呢個麥棧雞翼食落去嘅時候覺得好似上海排骨嘅味，甜甜地幾好。入味之餘亦都調味調得好，印象之中喺香港好似冇食過呢一種味道嘅雞翼。雖然價錢偏貴，但係覺得可以一試。上湯松茸時蔬($35): 食咗咁多肉之後，就叫咗一個上湯時蔬，有少少杞子同埋蘑菇，感覺健康，而且菜心都新鮮，冇乜根。叫埋山楂雪梨水($20)同蜂蜜檸檬薏米水($20)成件事就更加養生。兩樣都唔算好甜，有自家製嘅感覺！ 總結：呢間餃子真係做到皮薄餡靚，而且餃子嘅種類都好多，一定會再有下次。，而且自己好鍾意佢喺枱上面任食嘅醃蘿蔔，好大粒而且真係好開胃唔會過酸。