影片
更多
2011-01-24
1958 瀏覽
母親大人要提早團年, 大家唔想佢煮到一頭煙, 提議叫個盆菜.上openrice搜尋, 口碑最好的幾間位於元朗, 山長水遠, 又冇車, 頭痕結果聽阿妹介紹, 話以前食過呢間四季盆菜味道唔錯, 最好係有得送貨.打去問, 服務態度良好, 總人數是八個, 都唔係好擦得, 佢推介個細盆$488, 要鮑片鵝掌蠔鼓就加$200.長沙灣區送貨係5-7點, 毋須落訂. 一切好似好順利咁, 到了團年當日, 3點幾, 有個女職員打嚟, 話個盆菜要7點3至到.預感會出事......預感會出事......預感會出事......預感會出事......結果大家都估到, 等到7點3, 開始打去催, 佢話叫司機覆, 覆鬼覆馬咩, 結果遲成一粒鐘.我都知, 就嚟過年, 生意好忙, 樣樣都貴, 要節省成本, 慳住慳住, 係都唔租多部車, 話知個客等到頸都長, 寧願俾人鬧..........其實租多部車, 除勻一個客幾多錢啫 因小失大, 都唔知佢係精定笨?講返個盆菜, 雖則是4-6人, 咁我地6大2小當然係食唔哂啦. 內容方面, 正如佢外賣紙所的, 有蘿蔔(最多),枝竹(好味),豬皮(好味),花菇魷魚(唔錯,)腩肉(好硬)
母親大人要提早團年, 大家唔想佢煮到一頭煙, 提議叫個盆菜.上openrice搜尋, 口碑最好的幾間位於元朗, 山長水遠, 又冇車, 頭痕
結果聽阿妹介紹, 話以前食過呢間四季盆菜味道唔錯, 最好係有得送貨.
打去問, 服務態度良好, 總人數是八個, 都唔係好擦得, 佢推介個細盆$488, 要鮑片鵝掌蠔鼓就加$200.
長沙灣區送貨係5-7點, 毋須落訂.
一切好似好順利咁, 到了團年當日, 3點幾, 有個女職員打嚟, 話個盆菜要7點3至到.
預感會出事......預感會出事......預感會出事......預感會出事......
結果大家都估到, 等到7點3, 開始打去催, 佢話叫司機覆, 覆鬼覆馬咩, 結果遲成一粒鐘.
我都知, 就嚟過年, 生意好忙, 樣樣都貴, 要節省成本, 慳住慳住, 係都唔租多部車, 話知個客等到頸都長, 寧願俾人鬧..........
其實租多部車, 除勻一個客幾多錢啫 因小失大, 都唔知佢係精定笨?
講返個盆菜, 雖則是4-6人, 咁我地6大2小當然係食唔哂啦.
內容方面, 正如佢外賣紙所的, 有蘿蔔(最多),枝竹(好味),豬皮(好味),花菇魷魚(唔錯,)腩肉(好硬),魚蛋中蝦切雞(都唔錯,)肥鴨(真係好肥, 仲要多數係鴨頸),蓮藕(第二多,)香芋(最好味,不過得幾舊),鮑片鵝掌蠔鼓(份量都係好少, 唔值得加兩百)
至於味道, 十分中有七分啦, 而且食完冇口乾, 証明佢冇重手落味精, 呢樣抵讚.
都係嗰句, 遲成咁, 幾難有下次
張貼
