盛八日式燒肉店 (已結業)

成日比啲朋友話我係人肉open rice😂😂今次終於鼓起勇氣寫食評喇😅平時銅記盛八食得多由於佢地個白飯太行、嚡過我😂所以去過幾次無再去轉左去x角！之後見中環店有brunch$288位加$50位🍷紅、🍸白、🍶sake任飲即刻衝去試下先！一 坐低聽到個肥仔店員係咁講粗口我地已經O左咀！不過由於太肚餓所以唔理咁多點左野先！咁既價錢仲任食三個鐘仲可以揀送二杯Moët 或者龍蝦仔本身都期望不大因為都係食平時盛八menu啲嘢！但如果平時正價我唔捨得叫嘅蒜片同蜆lo估唔到原來燒蒜片咁好味、更估唔到啲蜆咁肥大{因為喺銅記店叫過份得幾粒而且好細粒😂}另值得一讚既係佢地既魷魚、牛腸 都唔錯！牛腸係肥嘟嘟唔係瘦腸！{其實以前x角啲腸都係肥腸但近呢年可能百物騰貴轉左係瘦腸、失望中😩}之後見A5和牛肉眼只需加$100所以加左！不過太薄喇一放落爐＂痴＂鬼住夾唔返架oh noooo想講我寧願加多$100你將個size縮細少少厚返小小會更加好lo!最後見menu無白飯得其他飯類所以要求店員可否轉個白飯，之後個靚仔店員好有禮貌咁say yes仲問我地需5需要添酒添！值得一讚