巧　すしたくみ (已結業)

以後喺旺角想食日本料理，又多咗一個好去處。發現港鐵站E2出口過一條馬路有間日式料理店——巧すしたくみ ，成個木系門面、趟門、大大個日文招牌，一眼就認得出！除咗一般日式料理，餐廳有提供omakase, 有散叫有套餐，豐儉由人！聽講食材係每日由日本新鮮運到！今次試咗午市壽司盛合、丼飯套餐，都好高質，絕對係會回頭再幫襯嘅日料店！✔️巧 •特上壽司盛合10貫$228估唔到晏晝食個日式料理都有去咗日本高級餐廳嘅享受，食個2百幾蚊嘅壽司盛合，師傅都會喺你面前即場手握壽司，差啲以為自己食緊omakase, 不過當然呢個盛合係10件壽司一齊上枱啦！10件壽司包括赤身、中吞拿魚腩、油甘魚、時令鮮魚3款、帆立貝、墨魚、赤蝦、玉子。原來有3件壽司真係師傅發辦，師傅會揀當日時令刺身做壽司！問咗客人有乜嘢唔食後，師傅最後發辦金目鯛、鮫鰈魚背、拖羅壽司！全部刺身勁厚勁大塊，完全cover晒下面嘅赤醋飯，真心覺得好鮮美，一啖落口真係覺得好幸福！赤醋飯有幾分酸甜感，口感更加豐富！✔️北海道帆立貝三文魚籽丼$188帆立貝好大粒好肥美、新鮮鮮甜，三文魚籽帶有鮮美嘅魚膠質感，粒粒分明，而且新鮮到見到魚籽嘅黏液拉絲，充滿咸香，非