影片
更多
2015-09-11
3283 瀏覽
上環一帶一直隱藏住非常多知名但又實際上有D難搵嘅CAFE SHOP, 橫街窄巷之中, 小妹深深體會到「柳暗花明又一村」嘅真諦。Café Deadend! 終於搵到你...打開門一刻，迎接你嘅唔係店員而係一陣陣肉桂香。甜甜肉桂味道加上休閒室內設計風格，透過落地玻璃門望出去嘅白色牆壁加綠油油植物.....完全治癒長征過後同被蚊咬悶悶嘅心情。完全放鬆。Latte味道有濃郁炭香味，配合牛奶的微甜之下仍可以充分感受到焦焦嘅味道。略有焦糖味。Spritzer主要味道由青蘋果再加芹菜混合而成，小妹對芹菜嘅味道其實係有D抗拒，但友人話「MIX出嚟效果又幾特別」之下，細飲一啖，青蘋果果皮味道同楊桃味都非常特出。如果可以再濃少少，相信效果會更好。Roasted Beef Roll法式麵包夾上新鮮蕃茄片、沙律菜、半熔芝士、薄切慢烤牛肉...本以為咬上去會比較硬身，但實質外脆內軟，微微牛油香淡芝士味滲出，多吃幾口後微量芥辣味道又將牛肉味不太重嘅肉片提升至另一層次。最令小妹驚喜係...SIDE DISH有一碟迷你蘋果小切片，解膩又好SWEET!Spiced Apple Tart如果要點算蘋果批外型，有麥當勞盒狀
打開門一刻，迎接你嘅唔係店員而係一陣陣肉桂香。甜甜肉桂味道加上休閒室內設計風格，透過落地玻璃門望出去嘅白色牆壁加綠油油植物.....完全治癒長征過後同被蚊咬悶悶嘅心情。完全放鬆。
Latte
味道有濃郁炭香味，配合牛奶的微甜之下仍可以充分感受到焦焦嘅味道。略有焦糖味。
Spritzer
主要味道由青蘋果再加芹菜混合而成，小妹對芹菜嘅味道其實係有D抗拒，但友人話「MIX出嚟效果又幾特別」之下，細飲一啖，青蘋果果皮味道同楊桃味都非常特出。如果可以再濃少少，相信效果會更好。
Roasted Beef Roll法式麵包夾上新鮮蕃茄片、沙律菜、半熔芝士、薄切慢烤牛肉...本以為咬上去會比較硬身，但實質外脆內軟，微微牛油香淡芝士味滲出，多吃幾口後微量芥辣味道又將牛肉味不太重嘅肉片提升至另一層次。最令小妹驚喜係...SIDE DISH有一碟迷你蘋果小切片，解膩又好SWEET!
Spiced Apple Tart如果要點算蘋果批外型，有麥當勞盒狀、田園風格紋狀、蛋糕切件狀.....但原個切片再疊返做一個蘋果外型，賣相如此有心思又精緻嘅蘋果批就好難得。
切開蘋果批，肉桂味輕輕滲出，層次非常明顯嘅蘋果片之中每層都沾上肉桂粉，極有心思。咬落去並非一般蘋果批內餡軟糯口感，取而代之係不太濕潤、質感口感並重、微焦香嘅蘋果片。底層酥皮牛油味並非主調，淡牛油酥皮「艇仔」再配上蘋果片，更特出蘋果清新原味。伴碟用上VANILLA 雪糕，口味實在真實。再配搭上碟上焦糖DRESSING同榛子果仁，帶小妹由清新蘋果國度去到一個甜美又濃郁迷人嘅世界。層次如此豐富。
小妹只可以嘆一句：「果然係『不吃會後悔』蘋果批啊...」
張貼
