Mamaday (已結業)

今日去咗一間好盞鬼嘅餐廳，佢嘅裝修好有特色和風格，同時間連菜名都非一般，全部都好搞笑。佢有lunch set和散叫，我哋叫咗兩個set，包括：「淡淡蟹肉…你就想～青咖喱比薩」（$106）和「避風塘Style肥牛蛋包飯」（$108），午餐包埋一杯飲品。嗰個肥牛蛋包飯，塊蛋好大塊但係同時間都仲幾滑，面頭有啲蕃紅花絲，幾靚，肥牛份量都算多，都幾Juicy,整體份量都算大而且好味。佢有少少乾蒜，所以叫避風塘style掛。至於蟹肉pizza，我確實覺得真係淡淡蟹肉喎！蟹肉嘅份量都算幾多，反而青咖喱嘅味道唔係太濃烈，芝士味反而更甚，薄批脆邊，都好好味。另外我哋仲叫咗一客雞翼（ $68 ），佢有四種味選擇，我哋最後揀咗蜜糖芥未，原來佢係單骨雞翼嚟嘅，炸得脆脆的，蜜糖芥末味都好突出，好味，雞肉好嫩滑，唔會太乾身，值得一試。