影片
更多
2022-12-27
52 瀏覽
睇咗微辣咁耐，好驚喜佢哋會過嚟香港開餐廳～之前去一田經過見到佢裝修，開張到依家今次終於有機會過嚟朝聖啦，入邊嘅裝修真係好有心思，每樣嘢都係打卡位，就連餐具水杯食飯張枱都咁特別！Menu上面嘅嘢食種類都算幾多下，而且啲名都好盞鬼，有時真係睇唔明要問吓店員先知究竟係咩嚟😛富貴米酒雞嘅造型真係超級特別好型！打卡一流！原本以為成隻上啲雞焗咁耐應該會好靭啦，點知由驚喜地發現好㝝好嫩滑！其實唔用鉸剪同夾就咁用筷子都可以夾得開啲肉～而且店員仲特別推介食埋入邊嘅材料，金針雲耳同埋洋蔥入晒味好好食！懷舊蟹膏蝦多士係強烈推薦必試！真係超級好食呀蟹膏鮮味濃郁 ，配上好鬆脆嘅蝦多士超級絕配～雖然係自己要用匙羹仔拔嚟食，但蟹膏嘅份量唔係Hea你，每一舊蝦多士都可以品嚐到啖啖肉嘅蟹膏～！發記大香腸嘅造型非常吸精特別，原條吊住掛起上枱，定仲會好貼心俾埋把鉸剪你，等你影完相打卡之後可以，成條拎落嚟剪開一細舊咁點醬料嚟食～去茶餐廳冰鎮奶茶就成日飲，冰鎮素咕嚕肉第一次食！咕嚕肉食落嘅感覺好新奇外凍內暖，但個皮都係脆嘅～因為調味同做法都非常之正宗同相似，如果唔係特別留意去食個素咕嚕肉，其實食落去真係完全唔覺味道同真嘅肉差無
睇咗微辣咁耐，好驚喜佢哋會過嚟香港開餐廳～之前去一田經過見到佢裝修，開張到依家今次終於有機會過嚟朝聖啦，入邊嘅裝修真係好有心思，每樣嘢都係打卡位，就連餐具水杯食飯張枱都咁特別！
Menu上面嘅嘢食種類都算幾多下，而且啲名都好盞鬼，有時真係睇唔明要問吓店員先知究竟係咩嚟😛
富貴米酒雞嘅造型真係超級特別好型！打卡一流！原本以為成隻上啲雞焗咁耐應該會好靭啦，點知由驚喜地發現好㝝好嫩滑！其實唔用鉸剪同夾就咁用筷子都可以夾得開啲肉～而且店員仲特別推介食埋入邊嘅材料，金針雲耳同埋洋蔥入晒味好好食！
懷舊蟹膏蝦多士係強烈推薦必試！真係超級好食呀蟹膏鮮味濃郁 ，配上好鬆脆嘅蝦多士超級絕配～雖然係自己要用匙羹仔拔嚟食，但蟹膏嘅份量唔係Hea你，每一舊蝦多士都可以品嚐到啖啖肉嘅蟹膏～！
發記大香腸嘅造型非常吸精特別，原條吊住掛起上枱，定仲會好貼心俾埋把鉸剪你，等你影完相打卡之後可以，成條拎落嚟剪開一細舊咁點醬料嚟食～
去茶餐廳冰鎮奶茶就成日飲，冰鎮素咕嚕肉第一次食！咕嚕肉食落嘅感覺好新奇外凍內暖，但個皮都係脆嘅～因為調味同做法都非常之正宗同相似，如果唔係特別留意去食個素咕嚕肉，其實食落去真係完全唔覺味道同真嘅肉差無幾。
飲品叫左鴨屎香珍珠奶茶，係港式奶茶底嘅珍珠奶茶，珍珠都彈牙有咬口唔錯！
張貼
