韓舍 (已結業)

好耐無食過自助式的火鍋放題了。在OR看到韓舍評價不錯，心動不如行動一於約埋朋友放肆地吃一餐。店內位置寬敞，空間感大。我們最後點揀咗麻辣及豬骨鴛鴦鍋，上枱時係用新式嘅火囪式銅製鍋子，十分美觀 。麻辣鍋內有乾辣椒，花椒及豬紅，香味四溢。奶白色的豬骨湯底內有豆腐，香蔥，又香又濃。店內連刺身都係係任點任食，仲好新鮮乾淨！熱盤選擇一D都唔弱，一個胃真係唔夠呀！火鍋配料選擇多，有各種醬料、生肉、丸類、貝殼類、水餃、蔬菜，講得出嘅一定有，諗唔起嘅都有！最貼心嘅是有熱飲櫃，唔飲凍飲嘅都可選擇紙包裝熱飲或沖製奶茶咖啡。肥牛片較肥，但肉味濃。豬肉和羊肉片較瘦，多吃幾片都沒有罪惡感。在吃火鍋的地方竟然有個格子餅機可以自製格子餅，十分有趣。而且雪糕也是任取，可以配合格仔餅同吃，感覺很幸福。服務方面，韓舍店員態度良好，經常主動收取吉盤和骨碟，又主動替客人加火鍋湯。價錢方面，有不同的價目可選，可選普通火鍋、養生鍋、海鮮鍋等，如選普通火鍋晚上九時前入座只需$178及加一服務費，$200有找，十分實惠，性價比高！