鮮一夜火鍋 (已結業)

平時食雞煲+打邊爐真係食得多, 但係前菜有埋鮑魚, 有埋翅既, 相信大家同我一樣, 係未試過既, 黎到係荃灣既D個鮮一夜, 就可以有D個經驗啦!係大鴻輝一路排, 一路望住佢D食物, 又餓多兩分!飲品都幾齊全, 係用自取模式的紅燒花膠翅: 花膠超多骨膠原, 飲完會覺得皮膚好好, 而且翅都有唔少, 我覺得好不錯鮑魚鵝掌: D隻鮑魚夠晒彈牙, 個鵝掌幾爽口五色刺身: 有三文, 蝦, 北寄貝, 帶子, 希靈魚, 刺身都幾新鮮, 而且幾厚切, 三文魚係我最愛!雞煲: 少少辣, 多多趣, 雞又夠嫩滑, 好惹味!食完雞煲, 係會另上一個煲去打邊爐, 唔洗怕個湯底會好肥安格斯肥牛: 牛肉同肥膏既比例岩岩好, 唔會太肥OR太廋, 夠晒香口, 牛味又重, D個正, 但D個唔係任叫的海鮮併盤: 有齊貴花蚌, 蜆, 蠔, 蝦, 象拔蚌, 都幾新鮮, 幾鮮甜, 蠔都冇腥味, 幾好除左安格斯肥牛同海鮮併盤唔係任叫之外, 都有唔少選擇係任叫的雲吞, 墨汁丸, 黑椒丸: 同平時出去食既丸唔同, 多料而唔多粉, 不錯!雪糕: 最後當然食埋雪糕, 透心涼!總結來說食物唔錯, 服務良好, 值得光顧!