本真東后齋 (已結業)

green monday素友飯局漸漸變成試食冒險，專挑未試過的食店去試。繼續鎖定銅鑼灣，今次係登龍街永光中心的本真東后齋。食店走真派路線，裝修ok，但空間比想像中細。入lift見係25樓頂樓，心想頂樓食店通常貴，因為租貴。果然。$328二人餐，咪睇佢可以揀三款餸，我地揀左小食炸鬚鬚，桃子骨，紫菜荔茸卷，黑松露炒淮山乜乜乜，每碟份量少，又令小編懷念起一心。肥仔待應話三個人唔可以淨叫二人餐，要叫多碟，態度麻麻，不過我地唔到肉酸嘅人計較，我地就叫多個蕃茄松茸荷葉飯。呢個飯竟然係第一個上，明顯係白飯淋上汁，個籠老年咁大，但係呢飯就好一般，大家樂肉醬煎蛋飯素版，荷香? 咩黎架?食得架?夠膽收$128，素友M問左幾次：呢碟野貴喺邊? 其他食物味道不過不失，以價錢黎講性價比低，簡稱唔抵食。最欣賞係個杏汁湯同個鬚鬚，杏汁好杏，鬚鬚口感好似。黑松露炒麵，冇黑松露味，份量與海皇粥店相若，味道也近似，素友M又大叫有墨松露味都算，其他味都無，無呀，0 呀🙄！(笑屎我)。埋單每人$180，係GREEN MONDAY飯局以來，最貴一餐，OVO CAFE都好似係咁上下，但OVO有特色啲囉！