Le Mieux Bistro (已結業)

為左慶祝友人從地獄折返人間，食餐勁慶祝一番，叫左$165 和 $290套餐share食。先上4個自制麵飽，口感各異，大致好味，有一個硬到食唔落。松露牛油好味，忌廉芝士怪怪地、偏鹹。餐湯分別有法式洋蔥湯 - 味道頗佳，每口都是洋蔥絲，湯上放一片多士；南瓜濃湯 - 味道較濃，唔夠creamy。午市套餐 $290法式洋蔥湯 香煎法國鴨肝 - 超正，鴨肝煎得外脆內軟、入口即溶，配以橙及西柚，既清新又美味。美國牛肋扒配蝦 - 朋友費左好大牙力，仍未能分解牛扒，食左半片就放棄，話好韌，牛肉略為乾身。小妹唔食牛，未能評價。隻蝦炸過，無未特別。相反，伴菜的焗薯仔、烤蕃茄、爽脆烤日本小青瓜和小黃瓜味道極佳。午市套餐 $165南瓜濃湯 鹹豬手啫哩配沙律 - 超正，口感既香又滑，沙律汁的酸味中和左豬手的油膩和鹹味。三文魚配羊腩 - 小妹唔食羊，比晒朋友食，朋友不太好羊腩，加上味道一般，食左一半放棄。香煎三文魚，juicy & good.最後的甜品頗普通，較失望。餐廳每日只提供限定套餐，小妹不幸遇上兩款main course 都有牛或羊，頗難揀選﹗希望餐廳可照顧與小妹同類唔食牛羊的食客。