影片
更多
2008-10-31
6 瀏覽
師傅早一排興之所緻, 於是相約左封筆食家"今餐食乜好"食餐晚飯, 但礙於師傅唔知幾時離開監房, 所以都幾難諗食咩, 但突然間想打邊爐, 於是就上黎睇下有咩好介紹; 師傅見到呢間食店質素唔差, 於是問下封筆食家"今餐食乜好"有冇興趣, 結果佢話呢間口碑唔錯, 所以就決定呢度啦!再問下封筆食家"今餐食乜好"使唔使訂枱啦, 佢竟然語出驚人話, 如果平日黎都爆晒的話, 就點都要等下添喇; 既然如此, 就相約封筆食家一齊去啦! 入到去都算高朋滿座, 幸好有兩層, 於是上樓上坐底, 準備開餐!一坐底第一時間睇下有咩好食啦, 打邊爐咩野都係假, 最重要係揀好個湯底先, 由於之前上黎呢度睇過所以知道呢度嘅豬骨煲湯底係出名, 所以商量一陣就揀左呢個湯底喇! 跟住就柯打野食, 呢度嘅手切肥牛就一定唔少得啦, 仲有午餐肉, 龍蝦丸, 芋頭魚片(唔記得個名), 芝士腸, 仲有雜菜; 正當準備開餐時, 有個伙計上黎推介鮮帶子, 兩位食家見機不可失, 當然不能錯過!飲杯過後, 即刻將d午餐肉, 龍蝦丸, 芋頭魚片同芝士腸一齊倒晒落去, 等佢慢慢滾下先; 再試下肥牛同鮮帶子! 湯底d料真係好足, 大大舊豬骨, 加上
再問下封筆食家"今餐食乜好"使唔使訂枱啦, 佢竟然語出驚人話, 如果平日黎都爆晒的話, 就點都要等下添喇; 既然如此, 就相約封筆食家一齊去啦! 入到去都算高朋滿座, 幸好有兩層, 於是上樓上坐底, 準備開餐!
一坐底第一時間睇下有咩好食啦, 打邊爐咩野都係假, 最重要係揀好個湯底先, 由於之前上黎呢度睇過所以知道呢度嘅豬骨煲湯底係出名, 所以商量一陣就揀左呢個湯底喇! 跟住就柯打野食, 呢度嘅手切肥牛就一定唔少得啦, 仲有午餐肉, 龍蝦丸, 芋頭魚片(唔記得個名), 芝士腸, 仲有雜菜; 正當準備開餐時, 有個伙計上黎推介鮮帶子, 兩位食家見機不可失, 當然不能錯過!
飲杯過後, 即刻將d午餐肉, 龍蝦丸, 芋頭魚片同芝士腸一齊倒晒落去, 等佢慢慢滾下先; 再試下肥牛同鮮帶子! 湯底d料真係好足, 大大舊豬骨, 加上有蕃茄, 味道清甜, 好味; 再講下肥牛, 肥牛真係好大碟, 加上切得好薄, 拖一拖就食得, 肥牛好有牛肉味,同埋好鬆身, 勁正; 鮮帶子一碟有六隻, 賣相都幾靚幾吸引, 放入個鍋度滾一陣, 就食得, 帶子身都算韌, 味道就算鮮, 可以接受到!
而午餐肉就冇咩特別, 不過打邊爐就一定唔少得架喇; 龍蝦丸就幾大粒, 而且味道香甜, 加上爽口彈牙, 又係師傅覺得打邊爐唔可以少嘅; 芋頭魚片係師傅第一次食, 師傅覺得真係好好味, 但又唔係好識得講添, 慘! 芝士腸冇咩特別, 而雜菜有四款, 有生菜同西洋菜等, 菜都洗得算乾淨加上幾嫩綠, 掂喎!
總括黎講食物質素絕對出位, 環境氣氛唔算特別好, 服務都係屬於一般, 而價錢就可以接受, 埋單每人都係兩舊水多少少, 但係食咁鬼多野, 都算抵食; 同封筆食家"今餐食乜好"邊食邊吹, 大家盡訴心中情, 加上美食當前, 感覺非常開心, 師傅覺得如果能夠有多兩位靚女一齊打邊爐, 應該仲正; 笑臉師傅比硬, 而且一定有下次!
後記: 今次打邊爐竟然冇柯打到魚皮餃添, 下次一定要補番!
張貼
