Beerliner German Bar & Restaurant (已結業)

我上網訂了7:45pm，但朋友居然早到，甘我就硬著頭皮去問門口個位小姐可唔可以早點入座，由於當時7:05pm左右，對方回答我由於7:30pm都有一批已經訂枱，所以要等個批到先比到位我，我話無問題我企係門口靜心等待，大約7:15pm左右，這位小姐居然走出來有禮貌地同我講枱清潔中，執好枱就帶你入座，個一刻好冧丫。但除了門口呢位小姐之外，其他伙計就一般般啦，有改善空間。好講番食物先和飲品先，由於本人去了葵芳廣場掃街，掃到飽左六成既関係，在餐廳只叫了兩個併盤，有腸，有火腿，兩個人係食唔晒。重點德國黑啤好飲到爆炸，每人飲左兩大杯。。。。。正！由7:20pm吹到11:30pm左右，快樂時間過得特別快，兩人埋單七百，唔知算平定貴。大至上100分滿分，我比77分左右，一讚門口帶位小姐，二讚廁所乾淨。