鱈卵屋 (已結業)

今晚收工男朋友帶左我去間主打食明太子既日本料理店到開餐！！！地方唔算大，但環境都幾舒適~~~仲擺有唔少明太子既產品可以賣喎！！餐牌入面差唔多全部菜式都有加入明太子既元素😋😋不過男朋友同我都不約而同咁係公司食左個豐富下午茶，所以今晚作戰力真係麻麻，最終我地只係叫左兩三款食物share黎食😝😝我地首先揀左個芝麻醬油甘魚刺身開下胃😎男朋友話呢個明太子蛋卷一定要嗌黎食，蛋卷滑得黎又有明太子既咸香，係正啵！！！個蛋卷都幾飽肚，其實真係當主食都得~之後男朋友知我中意食三文魚，仲嗌左碟牛油果三文魚盤俾我嘆下😛啲三文魚每一塊都超。級。厚切，加埋飽肚既牛油果，雖然好食，但食完真心飽左😅但女仔係有兩個胃架嘛，所以飽飽都要嗌返個抹茶雪糕黎食下😚個抹茶雪糕都幾濃抹茶味，又唔會話好甜，正好作為今餐既飯後甜品呀♥️♥️♥️