影片
更多
2018-02-26
390 瀏覽
睇番大圍嘅搵食足跡，真喺少之有少，一隻手掌都數得晒，最近，加多一次足跡，就喺晌冬菇亭食日本嘢。多年前去過屯門三聖村嘅冬菇亭食海鮮，就已經知道依家啲冬菇亭再唔喺小弟細個時候讀中學嗰啲，依家啲冬菇亭既有裝修，又有冷氣，賣嘅食物高咗好多檔次，就正如今日到訪位處大圍美林村嘅「壹級日本料理」。食物選擇非常之多，叫人目不暇。是日約咗朋友嚟食晏，估唔到都咁爆場，雖然，真身喺冬菇亭，但內裡嘅裝修唔失禮，若非中心嘅天花露出「破綻」，相信單睇環境，真喺無人估到呢度本身就喺冬菇亭。坐位主要喺挨牆幾邊卡位，而大堂中間就有多張大枱，整體感覺都約闊落企理，所以，確喺有唔少街坊家庭客。如果單丁一個嚟，有一排吧位供選擇，坐埋去都唔會太尷尬。既然開晌屋村嘅冬菇亭，客人自然喺附近嘅街坊居多，定價亦非常相宜。午市，提供自選配搭午餐，簡單嚟講喺一客食事，再奉送味噌湯，再可以加錢配其他優惠美食，而食事嘅選擇非常之多，最平$35已有交易，平時就免加一，喺星期六、日及公眾假期先至要加一。味噌湯選午餐ABCDE項都會有味噌湯奉送，細細碗味噌湯，味道雖然唔喺驚為天人，但麵豉味唔錯，混有少少昆布同蔥花，都幾香。A7 : 蟹特盛 $88如
是日約咗朋友嚟食晏，估唔到都咁爆場，雖然，真身喺冬菇亭，但內裡嘅裝修唔失禮，若非中心嘅天花露出「破綻」，相信單睇環境，真喺無人估到呢度本身就喺冬菇亭。坐位主要喺挨牆幾邊卡位，而大堂中間就有多張大枱，整體感覺都約闊落企理，所以，確喺有唔少街坊家庭客。
如果單丁一個嚟，有一排吧位供選擇，坐埋去都唔會太尷尬。
既然開晌屋村嘅冬菇亭，客人自然喺附近嘅街坊居多，定價亦非常相宜。午市，提供自選配搭午餐，簡單嚟講喺一客食事，再奉送味噌湯，再可以加錢配其他優惠美食，而食事嘅選擇非常之多，最平$35已有交易，平時就免加一，喺星期六、日及公眾假期先至要加一。
味噌湯選午餐ABCDE項都會有味噌湯奉送，細細碗味噌湯，味道雖然唔喺驚為天人，但麵豉味唔錯，混有少少昆布同蔥花，都幾香。
A7 : 蟹特盛 $88如果有睇過小弟寫丼飯嘅食評，就見唔少次都喺揀蟹丼，無他嘅，鍾意食蟹，但又懶得拆蟹嫌麻煩。平常有質素嘅蟹丼兩嚿水喺起錶價，但晌度只喺賣$88，難得有齊松葉蟹膏、蟹肉、蟹籽，搭多條蟹柳，賣相色彩繽紛，討人喜歡。雖然蟹膏唔多，但蟹肉落得一啲都無手軟，意外驚喜位喺啲蟹肉鮮甜度比預期中好，混和所有食材一齊食，感受到滿足嘅鮮味。
蟹特盛
$88
8 瀏覽
0 讚好
0 留言
安格斯牛肉喺小弟嘅心水食材之一，晌午餐嘅丼飯竟有一款火炙安格斯牛肉飯，店員更話喺新出無耐。個牛肉飯賣相真喺幾有氣勢，啲牛肉疊到成座小山咁。試幾口牛肉，水準甚高，一來啲牛肉切得夠薄，火炙後半生半熟嘅感覺，口感好嫩滑，卻極富肉香。
火炙安格斯牛肉飯
$98
17 瀏覽
0 讚好
0 留言
早前晌另一家店食咗客水準不賴嘅鰻魚飯，今日又想再重溫多次。鰻魚飯以傳統日式木盒盛載，予人有份溫暖感。鰻魚燒得好香，蒲燒就最惹味，而且，件鰻魚魚油甚豐，十分甘香；飯粒亦都分明，口感黏糯。
赤身4切 $98既然啲午餐咁抵食，就豪一豪試一客刺身，其實，午餐有加配三文魚刺身3切（3件）優惠，更喺平到唔信嘅$8，但三文魚普通又經常食，所以揀赤身4切，散點餐牌中嘅刺身都喺4切為一單元。啲赤身唔單紅潤帶3光澤，更喺厚切，真喺一件頂得出面兩件份量。肉質既鮮味，魚味又濃，果然喺甚具質素。
現今嘅冬菇亭已蛻變成餐飲場所嘅新力量，「壹級」既有貴價嘅食材供選擇，但又有定價親民嘅菜式，需知香港嘅公共屋村有唔少基層百姓家，但亦有唔少隱形富戶，晌呢啲地方開店，可以講喺大小通吃。
張貼
