影片
更多
2021-10-25
282 瀏覽
又嚟食Tamago-EN嘅下午茶餐🤪，因為服務唔錯，所以對依間餐廳印象幾好，一有機會就幫襯多幾次😁。試咗士多啤梨🍓梳乎厘班戟餐，同埋香烤大啡菇多士配慢煮蛋餐。🔸跟餐加$15蚊，有餐湯同埋沙律。餐湯可以揀麵豉湯或者甘筍湯。我揀咗甘筍湯。🏷甘筍湯甘筍湯用新鮮甘筍磨成蓉整成，唔肥膩，充滿濃郁甘筍味道，食過番尋味😋。真係好鬼正。🏷沙律🥗睇落好似唔大兜，但食落，覺得都幾多吓。新鮮沙律菜配上麻醬，麻醬份量充足，令沙律菜充滿麻香😚。🔸主食🏷士多啤梨🍓梳乎厘班戟（$68）班戟好鬆軟，好正🤤。齋甘食會覺得味道嘛嘛；但係沟埋忌廉、糖漿、士多啤梨醬等食，一流🤤。班戟同啲調味醬味道好搭配。個人認為糖漿可以唔洗落太多，多得濟會太甜。沟幾多忌廉同埋士多啤梨醬都可以，沟幾多都係咁好食😋。碟上面仲用咗啲士多啤梨🍓做裝飾，士多啤梨🍓酸酸的，十分開胃。🏷香烤大啡菇多士配慢煮蛋($58)大啡菇肉質肥厚；含水量控制得好好，唔會太多水。置於大啡菇上面嘅蛋偏呈現液態。大啡菇下面係一塊香烤得變乾身嘅多士。側邊仲有好多沙律🥗，配沙律醬同埋酸酸嘅黑醋。🔹嘢飲🏷爆炸血橙梳打（跟餐+$20）純粹just for fun🤪。特別之處係加入咗
又嚟食Tamago-EN嘅下午茶餐🤪，因為服務唔錯，所以對依間餐廳印象幾好，一有機會就幫襯多幾次😁。
試咗士多啤梨🍓梳乎厘班戟餐，同埋香烤大啡菇多士配慢煮蛋餐。
🔸跟餐加$15蚊，有餐湯同埋沙律。
餐湯可以揀麵豉湯或者甘筍湯。我揀咗甘筍湯。
🏷甘筍湯
甘筍湯用新鮮甘筍磨成蓉整成，唔肥膩，充滿濃郁甘筍味道，食過番尋味😋。真係好鬼正。
甘筍湯
10 瀏覽
0 讚好
0 留言
🏷沙律🥗
睇落好似唔大兜，但食落，覺得都幾多吓。新鮮沙律菜配上麻醬，麻醬份量充足，令沙律菜充滿麻香😚。
沙律
25 瀏覽
0 讚好
0 留言
🔸主食
🏷士多啤梨🍓梳乎厘班戟（$68）
班戟好鬆軟，好正🤤。齋甘食會覺得味道嘛嘛；但係沟埋忌廉、糖漿、士多啤梨醬等食，一流🤤。班戟同啲調味醬味道好搭配。個人認為糖漿可以唔洗落太多，多得濟會太甜。沟幾多忌廉同埋士多啤梨醬都可以，沟幾多都係咁好食😋。碟上面仲用咗啲士多啤梨🍓做裝飾，士多啤梨🍓酸酸的，十分開胃。
士多啤梨梳乎厘班戟
18 瀏覽
0 讚好
0 留言
🏷香烤大啡菇多士配慢煮蛋($58)
大啡菇肉質肥厚；含水量控制得好好，唔會太多水。置於大啡菇上面嘅蛋偏呈現液態。大啡菇下面係一塊香烤得變乾身嘅多士。側邊仲有好多沙律🥗，配沙律醬同埋酸酸嘅黑醋。
香烤大啡菇多士配慢煮蛋
14 瀏覽
0 讚好
0 留言
🔹嘢飲
🏷爆炸血橙梳打（跟餐+$20）
純粹just for fun🤪。特別之處係加入咗爆炸糖，聽到爆炸糖產生反應嘅聲音。飲落，主要就係甜橙🍊香味。另外有兩粒荔枝肉，每粒荔枝肉中間包裹咗兩粒珍珠。唔記得咗叫走冰or少冰🤦🏻♀️，結果太多冰🧊。
爆炸血橙梳打
19 瀏覽
0 讚好
0 留言
🏷凍烏龍茶（跟餐免費）
烏龍茶色澤均勻，帶微甜。
*下午茶
*另收加一服務費
張貼
