鳳城酒家 (已搬遷) 新店位置

同幾位財經界既叔父輩飲茶，學習吓投資，順便攞料。可能已經成了習慣，每次都會來鳳城。我中午一點左右去到，其中一位前輩已經到達，並開了茶，大概十分鐘後全部人都到齊。幾位前輩問我要食咩，我當然唔敢亂叫，就由仔他們點菜。要幾個點心，如鳳爪、燒賣、春卷、馬拉糕等，另加一碟菜遠牛河和一窩雪菜肉絲炆米。一邊食野一邊傾計，都忽略了食物的質素。但印象中，幾個點心唔錯，尤以馬拉糕為最佳。炒河只吃了些少，感覺幾好，牛肉幾入味又唔會太老。炆米都足料，濕濕地咁幾正。聽聞話粉果和炸子雞係招牌菜，但今次冇試。對呢間酒樓印象唔錯，下次會來試這兩款招牌菜。