山脈流川 (已結業)

見到呢間好多人食，又去試下，點知原來係一個巨伏，餐廳是自助的形式，地方好細，人好多，無人安排入座，要自己企係人地隔離等位，又驚騷擾人，又驚拿唔到位，估唔到體驗會咁差。等左好耐，終於有位，諗住去買野食，點知去到counter, 竟然寫住［order 太多，半小時再接受訂單］！有無眼花，以為自己食緊food court。 終於叫到野食，half day breakfast（$56），估到份量會較少，因為只係半日份量，不過估唔到係少到咁，只係得兩條腸，一個牛角包同一碗茄汁豆腸都算好合格，有幾香同有肉味，不過茄汁豆同牛角包就無特別，牛角包仲唔係太多熱同少少稔最嬲係呢個，金沙朱古力（$48），明明睇其他食評係用玻璃瓶上，但我呢個點會用外賣膠瓶上，我又唔係叫外賣。味道方面，就合格啦，就係一杯朱古力，無飲到金莎味。總括而然，食物2.5/5，環境都點文青風3/5，服務就係1/5（無服務可言），不會再來。