影片
更多
2013-08-29
157 瀏覽
落到灣仔點可以唔去茶餐廳？咁啱就喺Tea Time行到去克街，朋友話想食魚腐米線，咁就行左入華康餐廳。 一入去就有人過黎帶位，坐落除左冷氣凍Ｄ之外都冇咩其他野。本身我飽飽地冇諗住叫野食。但係唔知點解望住佢個下午茶餐牌，我就俾佢個西多士吸引住。於是我地總共叫左兩個餐兩杯熱奶茶。 個熱奶茶好快就送到黎。個哥仔一擺低杯野就聞到撲鼻而黎既奶茶香。去過咁多間茶餐廳都未見到過有奶茶可以好似人地Ｄ咖啡咁，一擺底就係散發出黎嘅香氣。之後上碟嘅西多士好似識發光咁。喺上面舊牛油融融地又keep得住個shape。叫人簡直想即刻將佢分成三乘三然後倒埋Ｄ糖漿落去大啖大啖咁咬。切落去果下好鬆軟，後尾先發現原來入面夾左厚厚嘅芝士。Ｄ芝士好似心太軟咁係咁湧出黎，望住都流曬口水。倒埋糖漿落去，一叉一啖一咬……哇頂好食到暈。個皮又軟又鬆化，入面Ｄ芝士好似必出黎咁，加埋糖漿嘅甜味直情係Perfect Match。件西多士又香又冇油淋淋，入面嘅芝士又唔膩，認真好食。朋友嘅米線都唔錯，但係相比之下梗係呢個有驚喜Ｄ啦☆
一入去就有人過黎帶位，坐落除左冷氣凍Ｄ之外都冇咩其他野。本身我飽飽地冇諗住叫野食。但係唔知點解望住佢個下午茶餐牌，我就俾佢個西多士吸引住。於是我地總共叫左兩個餐兩杯熱奶茶。
個熱奶茶好快就送到黎。個哥仔一擺低杯野就聞到撲鼻而黎既奶茶香。去過咁多間茶餐廳都未見到過有奶茶可以好似人地Ｄ咖啡咁，一擺底就係散發出黎嘅香氣。之後上碟嘅西多士好似識發光咁。喺上面舊牛油融融地又keep得住個shape。叫人簡直想即刻將佢分成三乘三然後倒埋Ｄ糖漿落去大啖大啖咁咬。切落去果下好鬆軟，後尾先發現原來入面夾左厚厚嘅芝士。Ｄ芝士好似心太軟咁係咁湧出黎，望住都流曬口水。倒埋糖漿落去，一叉一啖一咬……哇頂好食到暈。個皮又軟又鬆化，入面Ｄ芝士好似必出黎咁，加埋糖漿嘅甜味直情係Perfect Match。件西多士又香又冇油淋淋，入面嘅芝士又唔膩，認真好食。朋友嘅米線都唔錯，但係相比之下梗係呢個有驚喜Ｄ啦☆
題外話/補充資料：
啱啱Check過Open Rice提供嘅餐牌，個西多士原來唔係日日有得食……可能係期間限定……總之一定要試！
(以上食評乃用戶個人意見 , 並不代表OpenRice之觀點。)
張貼
