影片
更多
2022-10-12
113 瀏覽
下午返完教會後，想搵地方食個下午茶，其中一位姊妹提及On The Spot，佢極力推薦話這間西餐廳食物好食😋，性價比高🌟，坐得又舒服，最好嘅一點係離我教會好近，行大概10分鐘就到🚶♂️。聽到佢嘅介紹咁吸引人，於是決定去試吓😆～ 真如姊妹所講，餐廳離教會同埋維多利亞公園好近，如果由天后地鐵站行過去唔使兩分鐘🚶♀️。雖然要搭升降機上去金輪天地8️⃣樓，不過作爲一間樓上餐廳黎講，位置相當方便。 8樓升降機門一開，成層餐廳環境怡靜舒適☘️，暖木調裝修令人感覺平靜✨。估唔到我地晏晝嚟幫襯，都仲可以叫set lunch menu，包前菜、主菜同埋加杯飲品, 咁抵就要試試！🌟羽衣甘藍沙律🌟 最近喺家人朋友嗰度成日聽到對羽衣甘藍嘅正面評價👍，話係超級食物、很健康等。咁啱前菜係以羽衣甘藍為主嘅沙律，配羅勒蒜蓉蛋黃醬、泡菜洋葱、松子同埋羊乳酪，配搭新奇😮。一開頭還以爲羊乳酪嘅味道會太重太酥😵💫怕接受唔到，不過泡菜洋葱嘅微酸原來同羊乳酪出奇地夾🤩，而羽衣甘藍原來食落去味道微甘😃，口感稍微青澀。🌟紅菜頭魷魚意大利飯🌟 依個主菜帶俾我視覺上同埋味覺上嘅雙重衝擊💥。當意大利飯上枱嘅時候，第一時間映入眼簾👀嘅係是紫紅
下午返完教會後，想搵地方食個下午茶，其中一位姊妹提及On The Spot，佢極力推薦話這間西餐廳食物好食😋，性價比高🌟，坐得又舒服，最好嘅一點係離我教會好近，行大概10分鐘就到🚶♂️。聽到佢嘅介紹咁吸引人，於是決定去試吓😆～真如姊妹所講，餐廳離教會同埋維多利亞公園好近，如果由天后地鐵站行過去唔使兩分鐘🚶♀️。雖然要搭升降機上去金輪天地8️⃣樓，不過作爲一間樓上餐廳黎講，位置相當方便。
8樓升降機門一開，成層餐廳環境怡靜舒適☘️，暖木調裝修令人感覺平靜✨。估唔到我地晏晝嚟幫襯，都仲可以叫set lunch menu，包前菜、主菜同埋加杯飲品, 咁抵就要試試！
🌟羽衣甘藍沙律🌟
最近喺家人朋友嗰度成日聽到對羽衣甘藍嘅正面評價👍，話係超級食物、很健康等。咁啱前菜係以羽衣甘藍為主嘅沙律，配羅勒蒜蓉蛋黃醬、泡菜洋葱、松子同埋羊乳酪，配搭新奇😮。一開頭還以爲羊乳酪嘅味道會太重太酥😵💫怕接受唔到，不過泡菜洋葱嘅微酸原來同羊乳酪出奇地夾🤩，而羽衣甘藍原來食落去味道微甘😃，口感稍微青澀。
🌟紅菜頭魷魚意大利飯🌟
依個主菜帶俾我視覺上同埋味覺上嘅雙重衝擊💥。當意大利飯上枱嘅時候，第一時間映入眼簾👀嘅係是紫紅色嘅模樣😲，我係第一次見到依種顔色嘅意大利飯。再黎，第一啖食落去，濃郁嘅乳酪🧀香氣瞬間喺個口散發出黎，飯粒軟硬適中，口感剛剛好，最特別嘅係食到紅菜頭蓉嘅清甜😋。
🌟抹茶拿鐵🌟
我叫左杯凍抹茶拿鐵。作爲一個抹茶控🍵，好清楚知道抹茶微微嘅苦澀先係重點，如果太甜，抹茶嘅味道就會被掩蓋😵💫。果真，依杯拿鐵無辜負我嘅期望，除咗賣相非常吸引之外👍，抹茶嘅味道好濃醇，加埋香醇奶香，好好喝😋
張貼
