煌府 (已結業)

無去煌府飲茶好耐啦，因為佢一直都冇轉menu，真係飲到好悶。都隔左咁耐啦，點都會轉下啦掛，今次就去下飲啦。點不知竟然冇轉menu! 仲係N咁耐之前果張!! 真係有冇搞錯!唉~冇新野點返舊野算啦。奶皇千層糕 : 勁唔得!! 切都未切! 又未蒸好，D奶皇都係未溶既!! 蛋糕既部份好難食，唔甜冇味道；奶皇都唔香，完完全全係用吉士粉開，丁點蛋黃都冇加，仲要連調味都冇!! 真係用食唔落囉...糯米卷：都係未蒸好!!點解未蒸好既點心就俾客人呢??? 糯米卷好硬，好似咬唔開咁，消化力弱D都唔得。西杏片炸鮮奶：覺得好似幾得意咁就試下。原來係咁唔好食既... 炸鮮奶只不過係用粉皮紙包住鮮奶餡炸，而鮮奶餡係杏汁包果D餡，又係用吉士粉開既，唔滑，仲係一舊舊添。 鮮奶餡雖然唔滑，但係味道都OK既，只不過放錯地方，如果用黎做流心既包點就一流啦!唔會士再黎啦，又唔係特別平，唔好食乜都假既...