相撲手日式放題 (已結業)

放題黨又出動喇，今次要試既係"相樸手"，咁啱佢哋做緊promotion每五位送一位，我哋5個女仔即管去試試質素如何。先講講服務，不論接線生定侍應都好OK，而環境尚可接受，起碼唔會太迫夾，但食物質素，只可以說不過不失，以下係試食結果。刺身：最ok係三文魚、油甘魚、帶子、c魚(即場表演，味道似油甘魚) ；最唔ok係赤蝦，因為太多沙生蠔完全無蠔味無海水味仲有沙添，試咗一碟已經無興趣再叫天婦羅超唔掂，炸漿超厚身，大家咬咗一啖就已經放棄，不過只係放棄個皮燒物/串燒：羊架超靭一d都唔腍，我呢個羊痴咬咗一啖都要放棄，根本係橡筋！茄子乾咗少少，但味道ok雞翼ok，燒得幾香都算juicy多春魚燒得太乾身好硬牛串燒係全晚最好味既，好腍好juicy好牛味，大家都encore咗一轉牛舌串燒同樣出色，雖然唔係厚切，但起碼唔會勒，仲好好味菠蘿都好味，又香又多汁，重點係唔會太大件，方便食蠔燒完出嚟變咗蠔豉，所以唔知好唔好食其他：蟹粥唔稱得上蟹粥，只係味精粥上面求其放件蟹响度，完全無蟹膏同蟹味！清酒煮蜆實在太失色，無乜清酒味之餘，仲要多咗好多味精味五送一後平均每人$269後記：唔會再有下次喇，食物質素整體唔ok呀！