ATUM Restaurant (已結業)

嚟到間餐廳好full，冇book位walk in嘅話就未必入到啦。男朋友帶我嚟食飯兩個人淨係叫咗個海鮮拼盤同埋一個意粉加杯嘢飲已經好飽啊！估唔到佢咁有心思帶我嚟食啲咁靚嘅嘢，氹女仔一流！上盤嘅時候仲會有人嚟同我地介紹下有啲咩材料係入邊，要點樣食佢，要跟個咸度由淡至咸食。嗰日就用咗愛爾蘭嘅生蠔配左啲白酒啫喱，味道好夾好Fresh!大蝦好鮮甜彈牙，跟住仲有帶子刺身，蟹肉，海膽，黑魚子配鵝肝醬，同大量嘅煙三文魚係底，所以真係好飽。但係我覺得海膽同埋煙三文魚實在太鹹啦，其他幾好。本來食個海鮮拼盤食到好飽仲驚住食唔晒呢個意粉，呢個係米形意粉。但係佢辣辣地，好惹味開胃，最後都食曬左。不過個人來講會鍾意佢係意大利飯多過米形意粉。呢杯酒精飲品完全冇酒精味，唔太推薦。