緣聚鮮鍋 (已結業)

今晚天氣很冷！又係最啱食火鍋的時候，有時成班朋友食飯，每個人想食的嘢都唔同，今次一致讚成去咗荃灣大鴻輝間緣聚食，扶手電梯上三楼、唔駛同人爭升降機！入坐後先擇湯底，餐廳會送上一碟靚肥牛，其餘肉類、生蠔、牛百葉、水土魷等可用手機落單，極之方便！火鍋食品都好多，另外，響玲，山根，魚皮，丸類同菜就要自己出去攞。我哋落單後，就出去攞魚生，壽司，款式都幾多，魚生超新鮮，大蝦成隻手板咁大又爽口彈牙，真係唔錯，仲有日式八爪魚，螺肉，海草，蘿白都好好味。熱葷方面就有椒鹽三文魚頭，腩非常好惹味，！薯條，薯餅，春卷，咖哩角都炸得好香脆，鱆魚小丸子仲好食過專門店。甜品方面就有幾款西餅、果凍、啫喱、涼粉、椰果、盧薈及桃肉，當然雪糕唔少得，仲有朱古力噴泉，自己鍾意點食都得。今次食飯成班朋友都好滿意，話食到火鍋，日式，中式同甜品，一次過滿足各人胃口真的冇得輸！