曼谷泰菜 (已結業)

和一眾好友相聚沙田曼谷泰菜，雖是黃昏六時許，各大食肆已人潮如鯽，幸好有預早訂枱。入座後稍作安頓，店員端上餐牌及兩籃蝦片。蝦片脆中帶辣，都算香口，不過，原來索價$12一籃，感覺不大好。小食試了串燒沙嗲豬肉串及香酥軟殼蟹。前者肉串少不免有點鞋口乾身，沙嗲汁甜味稍重。後者炸漿外層明顯過厚，大大影響食材本身的味道。泰式主菜吃了香芒炒牛肉、黃咖哩牛腩煲、酥炸金沙骨及芭堤雅燒雞。香芒炒牛肉用上的牛肉片質素普通，只是靠上芒果果香爭回少許味道。黃咖哩牛腩煲的咖哩汁味道對辦，個人覺得辣度可再加強。牛腩鬆軟度中等。酥炸金沙骨骨多肉少「乾淨淨」，又唔香口。芭堤雅燒雞無食到，無意見。冬蔭公湯香料味及酸辣度適中，湯中有海蝦作配料，OK。菜蔬選了清邁粉絲雜菜煲及清炒椰菜苗。雜菜煲無乜特別，椰菜苗較嫩口好吃。主食原個菠蘿焗飯，只有型，但無實，菠蘿清香未能沾上焗飯當中，有點可惜。