Burgeroom (美麗華廣場1期) (已結業)

第一次到訪尖沙咀分店的burgeroom，比銅鑼灣的大多好，坐得比較舒服。Menu好多選擇，平日的下午可以加$30配套餐，有薯條同飲品。午餐時間人好少，三成滿都冇。望落覺得好大個，當然一啖係唔會咬到咁多層，但佢的包充滿空氣感，好輕身，而且比較乾，裡面的牛肉都好乾。值得一提的係跟餐的薯條量少得可憐，加$30唔expect得咁少。全靠有塊juicy的菠蘿，成個漢堡先冇咁乾。啡菇burger的汁係千島醬，好惹味，但汁唔多，成個包都比較乾，單食的話塊菇係煎得好香，但始終塊牛好乾係大問題。