氷川菓屋 (已結業)

除咗喺韓國之外，我都未喺香港食過較為好食嘅冰製甜品。港式以前嗰啲綿綿冰，其實食落去嘅口感都係好粗糙好硬，食食下唔想食。今次經過咗山林道呢間小店，真係畀到我驚喜。 叫咗一杯藍莓乳酪刨冰，藍莓味唔算太濃太甜，食落啲冰真係又滑又細嫩，一啲冰粒都食唔出，而且齋食個冰唔點醬，都有一陣獨特嘅甜味。 同老闆傾過，原來佢哋啲冰係北海道運嚟嘅，而做法亦都跟足日本師傅做嘅一樣。可見店舖老闆 都下個啲苦工同對甜品好有熱情執著。 呢杯刨冰唔好以為淨係得一啲雪同埋啲醬，其實入面係藍莓乳酪，而乳酪做得好滑，成杯刨冰都做得好有層次，好好味。 其實佢其他製品都做得出色，例如一杯水果茶，茶味有小小澀，再配以水果清新嘅味道，配搭出獨特新鮮既茶味。 呢杯普通嘅綠茶拿鐵，做到好滑好細緻，綠茶味濃。呢度啲甜品，唔係淨係得個甜字，令人有一食再食嘅衝動。真心希望佢地可以企穩陣腳，喺香港發揚呢款甜品。